arbāb-e-iqtidār se merā savāl hai
ye daur-e-irtiqā hai ki daur-e-zavāl hai
jab jab lage hai aag hamāre hī ghar jaleñ
ye baat ittifāq hai yā gahrī chaal
kaisī munāfiqoñ kī hai sāzish na pūchhiye
TuuTe na jo vo reshmī dhāgoñ kā jaal hai
aise meñ ḳhvāb āñkhoñ meñ koī sajā.e kyā
vo habs hai ki chain se sonā muhāl hai
ham to azāb-e-tishna-labī se haiñ nīm-jāñ
guzrī hai jaane kyā ki samundar niDhāl hai
hālāt-o-kaifiyāt kī tasvīr khīñchnā
'nusrat' nahīñ tirā ye suḳhan kā kamāl hai