phuul girte hī ye sab rañg utar jā.egā
dhuul kī zad meñ jo aaya vo bikhar jā.egā
maiñ huuñ parda tire ghar kā na haTā tū mujh ko
maiñ haTā to tirā har raaz bikhar jā.egā
aag andar kī kahāñ murda vo hone degā
bujhte sho.aloñ ko havā de ke guzar jā.egā
apne armānoñ ko show-case meñ rakhte kyuuñ ho
jo bhī aa.egā vo dekhegā guzar jā.egā
log us but ko ḳhudā kahne lageñge 'nusrat'
tū kahīñ saa.e kī ḳhātir jo udhar jā.egā