ḳhud ko chhūne se Darā karte haiñ
ham jo nīndoñ meñ chalā karte haiñ
apnī hī zaat ke sahrā meñ aaj
log chup-chāp jalā karte haiñ
ḳhuun shiryānoñ meñ lahrātā hai
ḳhvāb ā.ankhoñ meñ hinsā karte haiñ
ham jahāñ baste the is bastī meñ
ab faqat saa.e milā karte haiñ
laḌkiyāñ hañstī guzar jaatī haiñ
ham samundar ko takā karte haiñ
aatī jaatī haiñ bahut sī yādeñ
dā.ere ban ke miTā karte haiñ