bol paḌte haiñ ham jo aage se
pyaar baḌhtā hai is ravayye se
maiñ vahī huuñ yaqīñ karo merā
maiñ jo lagtā nahīñ huuñ chehre se
ham ko nīche utaar leñge log
ishq laTkā rahegā pañkhe se
saarā kuchh lag rahā hai be-tartīb
ek shai aage pīchhe hone se
vaise bhī kaun sī zamīneñ thiiñ
maiñ bahut ḳhush huuñ āq-nāme se
ye mohabbat vo ghaaT hai jis par
daaġh lagte haiñ kapḌe dhone se