dasht-e-tanhā.ī meñ ham ḳhaak uḌā dete haiñ
shab kī ḳhāmoshī meñ yādoñ ko sadā dete haiñ
din guzarte haiñ tavāf dar-e-jānāñ karte
apnī rātoñ ko bhī āñkhoñ meñ gañvā dete haiñ
raat bhī biit ga.ī taare bhī sab Duub chale
apne ashkoñ ko bhī palkoñ meñ chhupā dete haiñ
apne atvār pe nādim na hoñ mahfil meñ aziiz
chehre chhup jaa.eñ charāġhoñ ko bujhā dete haiñ
tum pareshān ho kyuuñ ham to tumhārī ḳhātir
ab bhī chāho to har ik baat bhulā dete haiñ