ārzūoñ ke shagūfoñ ko jalā kar dekho
kitnī ḳhālis hai mohabbat pe tapā kar dekho
bahr-e-duniyā ke talātum meñ ḳhulūs aur vafā
kachchī miTTī ke gharauñde haiñ banā kar dekho
baat kuchh qahqahoñ kuchh ta.anoñ meñ dab jā.egī
dāstāñ dard kī apnoñ ko sunā kar dekho
log añgāre bujhā deñge guzargāhoñ meñ
ik qadam pyaar ke raste pe baḌhā kar dekho
jiinā chāhoge to jiine bhī na degā koī
mar na pāoge zarā maut bulā kar dekho