dil kisī ḳhvāhish kā uksāyā huā
phir machal uTThā hai bahlāyā huā
jā tujhe tere havāle kar diyā
kheñch le ye haath phailāyā huā
jis tarah hai ḳhushk pattoñ ko havā
mere hisse meñ hai tū aayā huā
ye bagūle haiñ ki istiqbāl-e-qais
phir rahā hai dasht ghabrāyā huā
bazm meñ bas ik ruḳh-e-raushan ke faiz
jo jahāñ maujūd thā saayā huā
kyā karūñ ai kār-e-duniyā kyā karūñ
vo mujhe hai phir se yaad aayā huā