tumheñ aañsū bahāne ko bhī mil jaa.eñ ka.ī kandhe
magar mujh ko aziyyat meñ pareshāñ kaun dekhegā
tumhīñ jo us kī ḳhātir jāgte baiThe rahe shab bhar
jo ab so jaao to sub.h-e-daraḳhshāñ kaun dekhegā
maiñ bhāgā to chalā aa.uuñ tumhārī ik nidā sun kar
sar-e-vaqt-e-junūñ inkār-e-darbāñ kaun dekhegā
maiñ tere hijr meñ baiThā huā kuchh phuul gin lūñgā
miyān-e-be-dilī rañg-e-gulistāñ kaun dekhegā
tumheñ kyuuñ fikr rahtī hai mire pindār kī jānāñ
tumhāre ruḳh ke aage mujh ko uryāñ kaun dekhegā