shahr meñ ik qatl kī afvāh raushan kyā huī
ik taraf takbīr thī aur ik taraf jai kī pukār
ḳhauf-o-dahshat ke asar se chand biphre naujavāñ
zindagī ko kar rahe the har taraf khul kar shikār
ḳhuun se luthḌī huī lāsheñ uThā.e god meñ
āsmāñ kī samt maa.eñ dekhtī thiiñ baar baar
jabr-o-istihsāl ke is ātishīñ sailāb meñ
bah ga.e insāniyat ke lahlahāte barg-o-bār
phir huā yuuñ curfew kī ḳhāmushī ke darmiyāñ
dard meñ Duubī huī aa.ī qalandar kī pukār