mere hisse kī udāsī mujhe lauTā denā

jā rahe ho to mujhe koī to tohfa denā

ek qatra bhī mirī pyaas bujhā saktā hai

maiñ ne kab tum se kahā hai mujhe dariyā denā

mere sahrā mujhe honā hai añdheroñ ke ḳhilāf

jis meñ sūraj bhī chalā aa.e vo ḳhema denā

kaun lā.egā kisī pyaas ke sajde kā javāb

ai ḳhudā dasht na ab karb-o-balā sā denā

ek tinkā na nikālegā bhañvar se mujh ko

maiñ samundar se ye kahtā huuñ safīna denā