lambā safar hai sūd-o-ziyāñ dekhte raho
tum inqalāb-e-kaun-o-makāñ dekhte raho
āñkheñ karoge band to uTTheñgī uñgliyāñ
daur-e-bahār ho ki ḳhizāñ dekhte raho
ā.īna dil kā hai jo shikasta to kyā huā
tum ab kamāl-e-shīsha-garāñ dekhte raho
aaseb kī misāl haiñ ye rāste tamām
jaa.e bhaTak ke kaun kahāñ dekhte raho
dil aur sham.a donoñ barābar haiñ soḳhta
uThtā hai kis jagah se dhuāñ dekhte raho