talḳh guzre ki shādmāñ guzre
zindagī ho to kyuuñ garāñ guzre
thā jahāñ muddatoñ se sannāTā
ham vahāñ se bhī naġhma-ḳhvāñ guzre
marhale saḳht the magar ham log
sūrat-e-mauj-e-ravāñ guzre
mere hī dil kī dhaḌkaneñ hoñgī
tum mire paas se kahāñ guzre
kyuuñ na Dhal jaa.e mere naġhmoñ meñ
kyuuñ tirā husn rā.egāñ guzre
chand lamhe ḳhayāl-o-ḳhvāb sahī
chand lamhe anīs-e-jāñ guzre
kitne ḳhāmosh hādse 'jāved'
dil hī dil meñ nihāñ nihāñ guzre