farāz-e-ishq terī intihā nahīñ hue ham

kisī pe qarz the lekin adā nahīñ hue ham

terī galī ke sivā aur kyā Thikānā hai

yahīñ mileñge agar lāpata nahīñ ham

tumhāre ba.ad baḌā farq aa gayā ham meñ

tumhāre ba.ad kisī par ḳhafā nahīñ hue ham

ta.alluqāt meñ sharteñ kabhī nahīñ rakkhīñ

kabhī kisī ke liye mas.ala nahīñ hue ham

abhī hamārī mohabbat nahīñ khulī tum par

abhī tumhāre maraz kī davā nahīñ hue ham