kuchh itne yaad maazī ke fasāne ham ko aa.e haiñ
ki jin rāhoñ meñ ujḌe the unhī par lauT aa.e haiñ
baḌā pyārā hai vo ġham jis ko tere chāhne vaale
zamāne-bhar kī ḳhushiyoñ ke tasadduq maañg laa.e haiñ
dahaktā hai kaleje meñ kasak kā ko.elā ab tak
abhī tak dil ke bām-o-dar pe hijr o ġham ke saa.e haiñ
hameñ dekho hamāre paas baiTho ham se kuchh sīkho
hamīñ ne pyaar māñgā thā hamīñ ne daaġh paa.e haiñ