Naeem Gilani

yun sang-e-intizar se kab tak bandhe rahen

Naeem Gilani

Sheikhupura, Punjab, Pakistan

1972

yuuñ sañg-e-intizār se kab tak bañdhe raheñ

dīvār-e-nā-rasā.ī kyuuñ dekhte raheñ

guzre na koī zūd-farāmosh umr-bhar

aur be-sabab galī ke darīche khule raheñ

tum se gila-guzār hai apnī ye be-gharī

kab tak tumhāre ḳhvāb se bāhar paḌe raheñ

hālat vahī hai aaj bhī ham sañg-o-ḳhisht

rakh de koī jahāñ pe vahīñ par dhare raheñ

yūñhī khaḌe raheñ kisī manzil aas meñ

gard-e-malāl-e-hijr se raste aTe raheñ

pūchhe mire masīhā-nafas se koī 'na.īm'

tāq-e-badan meñ zaḳhm kahāñ tak jale raheñ

Top Urdushayar.com