is ḳharābī kī koī had hai ki mere ghar se
sañg uThā.e dar-o-dīvār nikal aate haiñ
kyā qayāmat hai ki dar-qāfila-e-rahrav-e-shauq
kuchh qayāmat ke bhī hamvār nikal aate haiñ
itnā hairān na ho merī anā par pyāre
ishq meñ bhī ka.ī ḳhuddār nikal aate haiñ
is qadar ḳhasta-tanī hai ki gale milte hue
us kī bāñhoñ se bhī ham paar nikal aate haiñ
juz tire ḳhud bhī maiñ taslīm nahīñ huuñ ḳhud ko
dil se pūchhūñ bhī to inkār nikal aate haiñ