vaqt kī taaq pe donoñ kī sajā.ī huī raat
kis pe ḳharchī hai batā merī kamā.ī huī raat
aur phir yuuñ huā āñkhoñ ne lahu barsāyā
yaad aa.ī koī bārish meñ bitā.ī huī raat
hijr ke ban meñ hiran apnā bhī merā hī gayā
usrat-e-ram se bahar-hāl rihā.ī huī raat
tū to ik lafz-e-mohabbat ko liye baiThā hai
to kahāñ jaatī mire jism pe aa.ī huī raat
dil ko chain aayā to uThne lagā tāroñ kā ġhubār
sub.h le niklī mire haath meñ aa.ī huī raat
aur phir niiñd hī aa.ī na koī ḳhvāb aayā
maiñ ne chāhī thī mire ḳhvāb meñ aa.ī huī raat