Bilqis Zafirul Hasan

kab ek rang mein duniya ka haal Thahra hai

Bilqis Zafirul Hasan

Patna, Bihar, India

1938

kab ek rañg meñ duniyā haal Thahrā hai

ḳhushī rukī hai na koī malāl Thahrā hai

taḌap rahe haiñ paḌe roz o shab meñ uljhe log

nafas nafas koī pechīda jaal Thahrā hai

ḳhud apnī fikr ugātī hai vahm ke kāñTe

ulajh ulajh ke mirā har savāl Thahrā hai

bas ik khañDar mire andar jiye jaatā hai

ajiib haal hai maazī meñ haal Thahrā hai

kabhī nahīñ thā na ab hai ḳhayāl-e-sūd-o-ziyāñ

vahī to hogā jo apnā ma.aal Thahrā hai

us ek baat ko guzre zamāna biit gayā

magar diloñ meñ abhī tak malāl Thahrā hai

junūñ ke saa.e meñ ab ghar banā liyā dil ne

chalo kahīñ to vo āvāra-hāl Thahrā hai

baḌe kamāl niklā vo aadmī 'bilqīs'

ki be-hunar hai magar bā-kamāl Thahrā hai

Top Urdushayar.com