Owais Ahmad Dauran

is daur ne baKHshe hain duniya ko ajab tohfe

Owais Ahmad Dauran

1938

is daur ne baḳhshe haiñ duniyā ko ajab tohfe

ghabrā.e hue paikar uktā.e hue chehre

kuchh dard ke maare haiñ kuchh naaz ke haiñ paale

kuchh log haiñ ham jaise kuchh log haiñ tum jaise

har gaañv suhānā ho har shahr chamak uTThe

dil ye tamannā hai puurī ho magar kaise

biphrī huī duniyā ne patthar to bahut pheñke

ye shīsh-mahal lekin ai dost kahāñ TuuTe

yūñhī to nahīñ bahtī ye dhaar lahū jaisī

is baar fazāoñ se ḳhanjar bahut barse

kyuuñ aag bhaḌak uTThī shā.er ke ḳhayāloñ

ye raaz bāteñ haiñ nādān kyā jaane

sau baar sunā ham ne sau baar hañsī aa.ī

vo kahte haiñ patthar ko ham mom banā deñge

phir gosh-e-tasavvur meñ abbā sadā aa.ī

phir us ne dar-e-dil pe āvāz chupke se

is ḳhaak pe bikhrā hai ik phuul hamārā bhī

jab bād-e-sabā aa.e kuchh der yahāñ Thahre

afsāna-numā koī rūdād nahīñ merī

jhāñkā na kabhī maiñ ne ḳhvāboñ ke darīche se

mushkil hai ye 'daurāñ' is bhiiḌ ko samjhānā

muḌ muḌ ke jo rahzan se manzil pata pūchhe

Top Urdushayar.com