hasrat-e-dil ko maar kar dekhā

bojh saarā utaar kar dekhā

vaqt mumkin kahāñ guzāre to

jaise maiñ ne guzār kar dekhā

koī merī madad ko aayā nahīñ

maiñ ne sab ko pukār kar dekhā

daaġh chehre pe raqs karte rahe

aa.ine ko sañvār kar dekhā

vasl ta.abīr ho nahīñ saktā

hijr kā ḳhvāb maar kar dekhā

terī ḳhātir nahīñ jo karnā thā

dekh le vo bhī yaar kar dekhā

vaqt mumkin kahāñ guzāre to

jaise maiñ ne guzār kar dekhā

tishnagī kam na ho sakī 'kausar'

ek dariyā ko paar kar dekhā