vakīloñ kī vakālat kar rahī huuñ
samajhtī huuñ jahālat kar rahī huuñ
mujhe ma.alūm hai anjām lekin
zamāne se shikāyat kar rahī huuñ
maiñ qaidī huuñ yā qaa.id huuñ tujhe kyā
maiñ har sūrat qayādat kar rahī huuñ
koī samjhe mujhe kaisā bhī ab to
ḳhudā ke ghar ibādat kar rahī huuñ
jahāñ ta.amīr-e-ādam ho rahī thī
vahāñ ab phir sharārat kar rahī huuñ
sunā thā jo vahāñ par maiñ ne 'kausar'
vo kahne kī jasārat kar rahī huuñ