yuuñ to bahut hasīñ hai bahār-e-chaman kī yaad
dil par magar hai naqsh isī anjuman kī yaad
ham ḳhud ġham-e-hayāt se sīna-figār haiñ
ai dosto dilāo na us gul-badan kī yaad
is inthā-e-talḳhī-e-daurāñ ke bāvajūd
taaza hai aaj bhī kisī shīrīñ-dahan kī yaad
phir jī meñ hai ki khā.iye koī nayā fareb
phir aa rahī hai ik but-e-va.ada-shikan kī yaad
rañgīn bādaloñ ke ye TukḌe ye chāñdnī
aksar dilā ga.e haiñ tire bāñkpan kī yaad
uljhan ġham-e-hayāt kī kuchh aur baḌh ga.ī
aa.ī hai jab bhī zulf shikan-dar-shikan kī yaad
'arshad' dayār-e-ġhair meñ sab kuchh luTā ke ham
dil se lagā.e phirte haiñ apne vatan kī yaad