mujh pe to gire ḳhanjar tum lahū lahū kyoñ ho
zaḳhmī mere bāl-o-par tum lahū lahū kyuuñ ho
tum ko to mile tamġhe zohd-o-pārsā.ī ke
sañg to paḌe mujh par tum lahū lahū kyoñ ho
dil ke chaak maiñ apne ek bhī na sil paa.ī
haiñ tumhāre chārāgar tum lahū lahū kyuuñ ho
tum ko to milā rutba sar ke taaj hone kā
zer-e-pā hai merā sar tum lahū lahū kyoñ ho
yuuñ to mutma.in huuñ maiñ be-vafā tumheñ phir bhī
sochtī huuñ ye aksar tum lahū lahū lahū kyuuñ ho
rañg gul sabā 'nik.hat' sab tumhāre hisse meñ
ḳhaar haiñ mirā zevar tum lahū lahū kyoñ ho