zindagānī meñ hai ḳhushī tum se
zindagī zindagī banī tum se
shā.irī dil kā isti.āra hai
isti.āre meñ chāshnī tum se
haaḌ kī dhuup ne jalāyā hameñ
aas ham ko thī chhāñv kī tum se
kyā tumheñ mujh pe e'tibār nahīñ
maiñ karūñ aur dil-lagī tum se
kaam karne ko jī nahīñ kartā
tañg aayā huuñ shā.irī tum se
maiñ bhī rasta badalne vaalā huuñ
hai mulāqāt āḳhirī tum se
ham se jīvan ke ḳhaar haiñ 'ādil'
zindagī kī kalī kalī tum se