bujhte hue sho.aloñ ko huā kyuuñ nahīñ dete
phir aa ke hameñ yaar rulā kyuuñ nahīñ dete
yā ruuTh chalo mujh se to yā TuuT ke barso
har roz kā jhagḌā hai chukā kyuuñ nahīñ dete
shāyad ki malā.ek tirī nusrat ko utar aa.eñ
fariyād se phir arsh hilā kyuuñ nahīñ dete
har roz kā faaqa hai mashaqqat se kaTegā
rote hue bachchoñ ko sulā kyuuñ nahīñ dete
vahshat ke galī kūchoñ meñ taar us kī ridā hai
so.e hue insāñ ko jagā kyuuñ nahīñ dete