Inamullah Khan Yaqeen

agarche ishq mein aafat hai aur bala bhi hai

Inamullah Khan Yaqeen

Delhi, India

1727-1755

agarche ishq meñ aafat hai aur balā bhī hai

nirā burā nahīñ ye shaġhl kuchh bhalā bhī hai

is ashk o aah meñ saudā bigaḌ na jaa.e kahīñ

ye dil kuchh āb-rasīda hai kuchh jalā bhī hai

ye aarzū hai ki us bevafā se ye pūchhūñ

ki mere be-mazā rakhne meñ kuchh mazā bhī hai

ye kaun Dhab hai sajan ḳhaak meñ milāne

kasū dil kabhū paañv tale milā bhī hai

'yaqīñ' shor-e-junūñ sun ke yaar ne pūchhā

koī qabīla-e-majnūñ meñ kyā rahā bhī hai

Top Urdushayar.com