nahīñ jaatī agar ye āsmāñ tak
to phir is chīḳh kī had hai kahāñ tak
chalo paanī se vo sho.ala nikāleñ
uThā.e jo zamīñ ko āsmāñ tak
ab agle moḌ par pātāl hogā
yaqīñ se aa gayā huuñ maiñ gumāñ tak
zamāne ko samajh paayā nahīñ huuñ
maiñ samjhātā rahūñ ḳhud ko kahāñ tak
ajab ik khel khelā jā rahā hai
na thā jis kā hameñ koī gumāñ tak
bahut hī ḳhūbsūrat rāsta hai
jo sīdhā jā rahā hai rā.egāñ tak
zamīñ ke baab meñ kuchh mashvare haiñ
zarā maiñ jā rahā huuñ āsmāñ tak