tū dariyā hai aur Thaharne vaalā maiñ
gum hai mujh meñ ḳhud se guzarne vaalā maiñ
sūraj jaisā manzar manzar bikhrā tū
ā.īnoñ kī dhuup se Darne vaalā maiñ
terī galī se sar ko jhukā.e guzrā huuñ
kabhī zamīñ par paañv na dharne vaalā maiñ
saaya saaya dhuup ugāne vaalā tū
ḳhvāboñ jaisā aañkh utarne vaalā maiñ
jis bastī meñ shaam utarne vaalī ho
us bastī ke naam se Darne vaalā maiñ
kisī varaq par mujhe na likhnā dost mire
andar bāhar roz bikharne vaalā maiñ