shāḳhoñ par jab patte hilne lagte haiñ
aañsū mire dil pe girne lagte haiñ
tujh se duurī aur qayāmat lagtī hai
aapas meñ do vaqt jo milne lagte haiñ
din to jaise-taise kaT hī jaatā hai
raat ko uTh uTh taare ginñe lagte haiñ
ek tabassum dekh ke tere hoñToñ par
phuul ḳhizāñ kī rut meñ khilne lagte haiñ
hotā hai shānoñ pe mahsūs us kā haath
mausam jab bhī rañg badalne lagte haiñ
us kī jab ho jaa.e 'nusrat' chashm-e-karam
chaak garebānoñ ke silne lagte haiñ