ujle paroñ meñ kaun chhupā hai patā nahīñ

māthe pe to kisī ke farebī likhā nahīñ

galiyoñ meñ koī aa ke phir ik baar chīḳh jaa.e

muddat se saare shahr meñ koī sadā nahīñ

kajlā gayā hai kitne hī qadmoñ tale magar

ye rāsta ajiib hai kuchh boltā nahīñ

bhaTkā kiyā meñ zard haqārat ke shahr meñ

niilī hadoñ ke paar vo lekin milā nahīñ

har saaz par ubharne lage bebasī ke giit

aao ki raqs ke liye mausam burā nahīñ

kāġhaz pe us kā naam likho aur kaaT do

vo shaḳhs bhī to ab hameñ pahchāntā nahīñ