Saleem Faraz

dekh mazi ke darichon ko kabhi khola na kar

Saleem Faraz

dekh maazī ke darīchoñ ko kabhī kholā na kar

bhāgte lamhoñ ke pīchhe is tarah dauḌā na kar

ai mire sūraj mire saa.e ke derīna rafīq

rāste meñ raushnī ban kar bikhar jaayā na kar

ye bhī mumkin hai tire dīvār-o-dar tere na hoñ

ghar ke andar baiTh kar is tarah royā na kar

kah liyā kar gaahe gaahe koī achchhī ġhazal

mahfil-e-sher-o-suḳhan se ḳhud ko yuuñ tanhā na kar

kah rahī hai mujh se mere ghar tārīkī 'farāz'

raat ho jaa.e to ghar se kahīñ jaayā na kar

Top Urdushayar.com