dariyā-e-āftāb kī tuġhyāniyat na dekh
apnā vajūd aap pas-e-āfiyat na dekh
āñkheñ siyāh nuqtoñ se aage na baḌh sakīñ
ā.īna-e-ḳhayāl kī masrūfiyat na dekh
ye dekh ab savāl-e-baqā-e-yaqīn hai
TuuTe hue gumān kī ma.asūmiyat na dekh
ādāb-e-har-shikasta-labī kā lihāz rakh
har baat meñ nazākat-e-guftāriyat na dekh
jamte hue ġhubār kā saaya na sar pe rakh
ai 'qaus' uḌtī gard kī dīvāriyat na dekh