Khalid Shirazi

nit-nai KHush-fahmiyon mein mubtala rakhta hun main

Khalid Shirazi

nit-na.ī ḳhush-fahmiyoñ meñ mubtalā rakhtā huuñ maiñ

ḳhalq ke hāthoñ ko masrūf-e-duā rakhtā huuñ maiñ

ḳhushk dhartī ko atā kartā huuñ saaya abr

qatra-e-bārāñ pe dariyā binā rakhtā huuñ maiñ

DhūñDh letī hai mujh ko DhūñDne vaalī nazar

apne saa.e ko agarche lāpatā rakhtā huuñ maiñ

kyuuñ bhalā āsūdgī mere muqaddar meñ nahīñ

kis liye din-rāt ḳhud ko jāgtā rakhtā huuñ maiñ

phūñktā rahtā huuñ bahr-e-lafz meñ 'ḳhālid' fusūñ

mauj-e-ma.anī ko talātum-āshnā rakhtā huuñ maiñ

Top Urdushayar.com