Mazhar Imam

tera KHayal sar-e-sham gham sanwarta hua

Mazhar Imam

Munger, Bihar, India

1928-2012

tirā ḳhayāl sar-e-shām ġham sañvartā huā

bahut qarīb se guzrā salām kartā huā

jhijak rahā thā vo mujh se nazar milāte hue

ki maiñ bhī thā isī ḳhāke meñ rañg bhartā huā

maiñ ġharq hone vaalā thā jab to ik tinkā

bhañvar se mujh ko dikhā.ī diyā ubhartā huā

milā vo pāñch sitāroñ raqs-gāhoñ meñ

zamāne bhar se pashemān ḳhud se Dartā huā

masāfateñ haiñ bahut aur saḳht rāhoñ se

guzar gayā hai vo mujh ko talāsh kartā huā

raqam huā nahīñ ab tak nisāb-e-ham-safrī

vo qāfila bhī milā jab to kuuch kartā huā

ajab tilism-e-safar hai ki shām-e-maqtal tak

pahuñch gayā huuñ maiñ har moḌ par Thahartā huā

kināra thā mire dariyā se kaT gayā vo shaḳhs

ki maiñ thā vaqt sarhad ko paar kartā huā

Top Urdushayar.com