ibtidā thī na intihā kuchh der

darmiyāñ thī magar sadā kuchh der

vo mire saath saath chaltā thā

maiñ jise pūchhtā rahā kuchh der

us kā dhyān us kī yaad jaise gulāb

nāz-parvarda-e-sabā kuchh der

ajnabī shakl par paḌī thī nazar

aa.ī hai bu-e-āshnā kuchh der

aur kyā thī haqīqat-e-duniyā

haath par haath thā dharā kuchh der

guhar-e-ḳhasta āb-dār huā

ḳhāk-o-ḳhūñ meñ paḌā rahā kuchh der

asl kirdār dast-e-gul-chīñ hai

bād-e-sarsar thī shola-zā kuchh der