ye dār-o-rasan zeb-e-gulū kaun karegā
jān-o-jigar-o-dil ko lahū kaun karegā
takbīr sar-e-reg-e-ravāñk kaun kahegā
bahtā huā dariyā hai vuzū kaun karegā
le kaam mohabbat se ki ye fāteh-e-kul hai
be-ma.arka tasḳhīr-e-adū kaun karegā
ye qaht-e-damishq aur mudārāt-e-mohabba
bar-sabza-e-ḳhāk-o-lab-e-jū kaun karegā
bhīgī huī kirnoñ meñ ba-juz ġhuncha-e-mah-posh
us dast-e-hinā.ī meñ numū kaun karegā
rakh jā.egā tapte hue hoñToñ pe gulābī
jalte hue hāthoñ ko subū kaun karegā