dahkā paḌā hai jāma-e-gul yaar ḳhair ho
jalne lage haiñ dāman-e-gulzār ḳhair ho
chhalkā paḌā hai chehroñ se ik vahshat-e-junūñ
phailā paḌā hai ishq kā bāzār ḳhair ho
kin hādsātī daur se do-chār in dinoñ
aa baiThe haiñ ab ghar meñ hī aġhyār ḳhair ho
''girne lage haiñ sar dar-o-dīvār ḳhair ho''
lagte nahīñ haiñ achchhe kuchh ash.ār ḳhair ho
bikne ko haiñ ab ham nahīñ tayyār ḳhair ho
uThne ko haiñ ab kūcha-o-bāzār ḳhair ho