abhī dil meñ gūñjtī āhaTeñ mire saath haiñ
tū nahīñ hai aur tirī dhaḌkaneñ mire saath haiñ
tū ne ek umr ke ba.ad pūchhā hai hāl-e-dil
vahī dard-o-ġham vahī hasrateñ mire saath haiñ
tire saath guzre hasīn lamhoñ kī shoḳhiyāñ
vahī rañg-o-bū vahī raunaqeñ mire saath haiñ
mire paañv meñ haiñ zamīn kī sabhī gardisheñ
sabhī āsmān kī sāzisheñ mire saath haiñ
mire zehn meñ haiñ mohabbatoñ ke vo raat din
vo aziyyateñ vo navāzisheñ mire saath haiñ
jo bichhaḌte lamhoñ 'shumār' tū ne kiye bahut
vo tamām shikve-shikāyateñ mire saath haiñ