ā.īna merā badal kar le gayā
kis liye mujh ko safar par le gayā
sab sukūñ merā samundar le gayā
niiñd āñkhoñ kī churā kar le gayā
ḳhālī dāman ghar meñ aayā aur phir
dhuup jitnī thī vo bhar kar le gayā
maiñ ta.āqub meñ rahā jis ke liye
us ko koī ghar se bāhar le gayā
jaane us ko kyā nazar aayā yahāñ
bāñdh kar merā hī vo ghar le gayā
ghar tahī-dāman vo jaatā kis tarah
dard-o-ġham jo thā bachā kar le gayā