kuchh duur tak to is kī sadā le ga.ī mujhe
phir mere man kī mauj uḌā le ga.ī mujhe
pahra lagā hī rah gayā ulfat meñ hijr kā
āñchal meñ yād-e-yār chhupā le ga.ī mujhe
manzil hī thī nazar meñ na raste kā hosh thā
us dar talak ye kis kī duā le ga.ī mujhe
kis meñ thā hausla ki guzāre magar hayāt
bātoñ meñ apne saath lagā le ga.ī mujhe
dil meñ khulā thā pyaar kisī phuul kī tarah
mahkā jo maiñ to ek havā le ga.ī mujhe