zauq pe shauq pe miT jaane ko tayyār uThā
ishq kā dard liye phir tirā bīmār uThā
ham ne maiḳhāne meñ jaanī nahīñ karnī tafrīq
jo bhī baiThā mirī mahfil meñ gunahgār uThā
vasl-e-mahbūb uThā rakkheñge kab tak ki phir
aaj farhād hai tesha kā talabgār uThā
gum-shuda lailā ko kab tak vo chhupā rakkheñge
jab ki dīvāne ko saudā-e-ruḳh-e-yār uThā
soz-e-'mānī' kā zamāne meñ hai kis ko ehsās
aaj phir dard mire pahlū meñ bekār uThā