ik tirā dard hai tanhā.ī hai rusvā.ī hai

tiin lafzoñ meñ mirī ziist simaT aa.ī hai

zindagī uljhe hue ḳhvāb kā ib.hām kabhī

kabhī us shoḳh kī uThtī huī añgḌā.ī hai

kitne pechīda haiñ jazbāt-e-ġhazal kyā kahiye

ḳhāma hairān idhar salb ye goyā.ī hai

ho vo phūloñ kā tabassum ki ġhazāloñ kā ḳhirām

jo adā aa.ī hai tujh meñ vo nikhar aa.ī hai

sard sī aql ke hamrāh ravāñ haiñ 'mānī'

tābish-e-ishq mayassar mayassar hī nahīñ aa.ī hai