mukammal zindagī karne kī chāhat kuchh nahīñ hotī
jo lamha mil gayā jī lo riyāzat kuchh nahīñ hotī
jise mahrūmiyāñ miltī haiñ vo hī jaan saktā hai
zabānī hausla jhūTī muravvat kuchh nahīñ hotī
use chāhā to ye sochā mohabbat hī sabhī kuchh hai
use parkhā to ye jaanā mohabbat kuchh nahīñ hotī
kisī ne chhoḌ kar jaanā ho to phir chhoḌ jaatā hai
bichhaḌnā ho to sadiyoñ kī rifāqat kuchh nahīñ hotī
ta.alluq TuuT jaa.e to safīne Duub jaate haiñ
ye sab kahne kī bāteñ haiñ haqīqat kuchh nahīñ hotī