jānñe ke liye betāb thā aġhyār kā haal

us ne pūchhā na hamāre dil-e-bīmār kā haal

sham.a bhī jalne pe āmāda thī parvāna bhī

ek jaisā hī thā matlūb-o-talabgār kā haal

sogvārī meñ hamārī the barābar ke sharīk

ham se miltā thā hamāre dar-o-dīvār kā haal

sarv-e-timsāl hai qāmat meñ shabāhat meñ gulāb

kyā bayāñ sāmne us ke kareñ gulzār kā haal

us taraf jo bhī gayā lauT ke aayā na kabhī

pūchhiye kis se maqām-e-rasam-o-dār kā haal

sab ne dil thaam liyā dekh ke us ko 'ābid'

ek hī jaisā huā kāfir-o-dīñdā kā haal