chāñd ke saath jal uThī maiñ bhī
der tak baam par rahī maiñ bhī
kyā huā Dhal rahī hai shaam agar
hai vahī tū abhī vahī maiñ bhī
tū jo bholā to maiñ bhī bhuul ga.ī
varna bholī na thī kabhī maiñ bhī
lab-e-dīvār-o-dar to patthar the
tere aage ḳhamosh thī maiñ bhī
kisī ko ma.alūm terī rātoñ meñ
ik sitāra banī rahī maiñ bhī
be-zarūrat tirī panāh meñ huuñ
itnī be-ḳhānumāñ na thī maiñ bhī
jazba-e-ishq kī farāḳh-dilī
tū jhukā thā to jhuk ga.ī maiñ bhī
chhāñv maiñ huuñ abhī duāoñ kī
huuñ kisī god kī palī maiñ bhī