raushnī ko tīrgī kā qahr ban kar le gayā
aañkh meñ mahfūz the jitne bhī manzar le gayā
ajnabī sā lag rahā huuñ aaj apne aap ko
aa.ine ke sāmne maiñ kis kā paikar le gayā
kyuuñ nazar aatī nahīñ ab kaaTī sat.h-e-āb par
khīñch kar naddī ke sar se kaun chādar le gayā
phir huī āmāda-e-paikār peḌoñ se havā
phir koī jhoñkā ka.ī patte uḌā kar le gayā
rokte hī rah ga.e dīvār-o-dar 'āsif' mujhe
maiñ magar chup-chāp ḳhud ko ghar se bāhar le gayā