bachpan tamām būḌhe savāloñ meñ kaT gayā
schōl kī kitāboñ se ab jī uchaT gayā
likkhe hue the saare farishtoñ ke jis pe naam
shāyad vahī varaq kisī bachche se phaT gayā
taaza havā kī aas meñ parde uThā diye
bas ye huā ki gard meñ sāmān aT gayā
kal carnas pe dekh ke chiḌiyoñ kā khelnā
be-vaj.h zehn us ke ḳhayāloñ meñ baT gayā
ik bachcha us khulī huī khiḌkī meñ jhāñk kar
sharmā ke ghar jo bhāgā to maañ se lipaT gayā
kyā kahtā aur chāragaroñ se vo be-zabān
zaḳhmī parinda apne paroñ meñ simaT gayā
sahrā duhā.ī detā rahā apnī pyaas kī
bādal baras ke ḳhushk chaTānoñ pe chhaT gayā