dil sī vīrānī meñ saaya koī mehmān to hai
apne ḳhvāboñ se mulāqāt kā imkān to hai
kuchh na kuchh nazr to karnā hai tire jalve ko
aur daulat na sahī koī dil-o-jān to hai
kyā milegā hameñ ab us kī pashemānī se
bevafā.ī pe koī apnī pashemān to hai
yuuñ na ho ḳhud se nibhānā tumheñ mushkil ho jaa.e
ham ko nazroñ se girānā bahut āsān to hai
qāfile vāloñ ko gumrāhī kā ehsās huā
kam se kam ab kisī anjām kā imkān to hai