kise batā.eñ mohabbat meñ kyā kiyā maiñ ne
banā ke apnā nasheman jalā diyā maiñ ne
ġhurūr-e-ishq ḳhudī aur ābrū-e-vafā
inheñ gañvā ke bahut kuchh bachā liyā maiñ ne
zamāna is ko kahe mai-kashī ki mai-ḳhvārī
tamām umr ḳhud apnā lahū piyā maiñ ne
bujhā ga.ī thī kabhī jis ko be-ruḳhī terī
usī charāġh ko phir se jilā liyā nai
kal us ko dekh ke dil kitnā be-qarār huā
samajh rahā thā ki us ko bhulā diyā maiñ ne