mujh se pahle mire vatīre dekh

jism hai ek chehre kitne dekh

sabz mausam bhī kyā hameñ degā

TūTte girte sabz patte dekh

be-amāñ shahr meñ amaañ kab tak

ruup dhāre khaḌe haiñ fitne dekh

qurbatoñ chāhatoñ ke qisse fuzūl

zaḳhm kitne lage haiñ gahre dekh

ab ye behtar hai dhuup hī oḌheñ

duur tak peḌ haiñ na saa.e dekh

maiñ akelā huuñ tū bhī tanhā hai

ham bhī kitne haiñ be-sahāre dekh

ā.īne pī liye haiñ chehroñ ne

ab tū har samt sirf chehre dekh